Israa’el haleellaa halkan edaa Gazzaa keessatti raawwatteen yoo xiqqaate namoonni torba madaahuu qondaltonni Falasxiin beeksisan. Dabalataanis waajjira hogganaa garee Hamaas dabalatee manneen jireenyaa heddu haleellaa kanaan barbadaayanii jiru.

Haleellaa Israa’el kana hordofuun hidhattoonni Falasxiin rokkeetota gara Israa’el kan dhukaasan yoo tahu, Israa’el ammoo waraana lafoo taankiin deeggaramu gara daangaa Gazzaa dhiheessitee  jirti. Ganama har’aa Jaarsummaa mootummaa Masriitiin gamni lamaanuu dhukaasa dhaabuuf walii galuu eega gabaafamee booda, Israa’el haleellaa xiyyaaraan raawwattu  addaan kuttee jirti. Haata’u malee loltoonni Israa’el fi hidhattoonni Falasxiin daangaa irratti walitti dhukaasuu gabaafame.