Yeroo imaltuurra jiran salaata walitti hidhanii gabaabsanii salaatuun ni danda'ama. salaanni walitti hidhamuu danda'u; Zuhrii fi Asrii akkasuma Maghribaa fi Ishaahiidha.

Kan walitti hin hidhamne: Asrii fi Maghriiba akkasuma Ishaahii fi Fajriidha.
Salaanni Fajrii salaata tokkottis hin hidhamu.

namni imaltuurra jiru, Salaata raka'aa 4 qabu (Zuhr, Asr fi Ishah) lama lamatti gabaabsuu ni dandaya.

Maghriibni 3 irraa lamatti hin gabaabbatu. fajriinis 2 irraa hin gabaabbatu.

Salaanni dirqamaa salaata fardiiti.

Faarihaan Arkaana Salaataati. Faatihaa malee salaanni hin guutamu. fakkeenyaaf namni tokko raka'aa tokkoffaa keessatti suuraa faatihaa yoo irraanfate, wayta raka'aa 2ffaatiif ol ka'u raka'aa 2ffaa san akka raka'aa tokkoffaatti lakkaayuu qaba. raka'aan duraa sun akka waan hin salaataminiiti. raka'aa duraa akkasumatti dhiisee raka'aa 2ffaa tokko jedhee lakkaaya.

haaluma wal fakkaatuun yoo raka'aa 3ffa akeessatti suuraa faatihaa irraanfatee wayta 4ffaaf ol ka'u yaadate, raka'aan 4ffaa sun raka'aa 3ffaaa taati jechuudha.

Salaanni Witrii halkan salaata ishaahii boodarraa eegalee, hanga salaata fajrii sa'aa jiru keessatti salaatama. nama halkan gama boodaa ka'uu danda'uuf, sa'aan irra filatamaan salaata witrii itti salaatan halkan gama boodaati. namni halkan ka'uun itti ulfaatu ammoo galgaluma salaata ishaahii booda salaatee rafuu mirga qaba.