Categories: Odeeyfannoo Odeeyfannoo Biyyaa

Mormitoonni Iraaq Qonsilaa Iiraan magaalaa Najaafitti argamu guban

Lammiileen Iraaq malaamaltummaa mootummaa biyyattii keessatti babal’ateen walqabatee, qaalayiinsa jireenyaa hammaataa dhufe mormuun ji’a lama dura daanditti bahuun isaanii ni beekama. Mootummaan biyyattii rakkoo diinagdee furuuf kan carraaqaa jiru tahuu ibsullee mormiin ummataa kun magaalota heddu keessatti kan itti fufe yoo tahu, halkan edaa mormitoonni qonsilaa Iiraan magaalaa Najaaf keessatti argamu ibiddaan kan barbadeessan tahuu gabaafame.

Mormitoonni akka jedhanitti, mootummaan Iiraan dhimma biyya isaanii keessa galuun mootummaa Iiraaq’f deeggarsa kenna jechuun kan yakkan tahuu odeeyfannoon argame ni addeessa. Haaluma kanaan mormitoonni dallaa qonsilichaa cabsuun yeroo seenan “Iiraan biyya keenna keessa bahuu qabdi” dhaadannoo jedhu kan dhageessisaa turan tahuu gabaafame. Haleellaa kanaan garuu lubbuu namaa irra balaan dhaqqabe kan hin jirre tahuunis beekamee jira.
Iiraan haleellaa mormitoonni qonsila isii irratti raawwatan kana balaalefachuun, mootummaan Iraaq dhaabbilee dipilomaasii tiksuuf dirqama kan qabu tahuu akeekachiiste. Dabalataanis mootummaan qaamota haleellaa kana raawwatan seeratti akka dhiheessu gaafatte.

Dhaabbiileen mirga namoomaa hiriira mormii Iiraaq keessatti geggeeffamaa jiruun walqabatee hanga ammaattii lubbuun namoota 350 ol darbuu gabaasan. Hiriirri mormii baatii lama dura eegalame kun yeroo ammaa guutuu biyyaattii keessatti kan babal’ate yoo ta’u, mootummaan jalqaba irraa mormii kana humnaan ukkaamsuuf yaaliin godhaa ture hanga ammaatti hin milkoofne.

Leave a Comment

Recent Posts

  • Odeeyfannoo
  • Odeeyfannoo Biyyaa

Dhaabbatni Mootummoota Gamtoomanii haalli Ityoophiyaa keessa jiru kan isa yaaddeesse tahuu beeksise

Dhaabbata Mootummoota Gamtoomaniitti Komishiiniin Mirga Namoomaa ibsa baaseen, ajjeechaa Artist Haacaaluu Hundeessaa irratti raawwatame hordofuun…

3 hours ago
  • Odeeyfannoo
  • Odeeyfannoo Biyyaa

Bulchiinsi mootummaa saba Sidaamaa ifatti hundeeffame

Ummanni Sidaamaa ji’oota muraasa dura zooniin isaanii gara naannoo akka ol guddatuuf sagaleen rifarandamiitiin kan…

4 hours ago
  • Odeeyfannoo
  • Odeeyfannoo Biyyaa

Lakkoofsi Namoota Naannoo Oromiyaatti ajjeefamanii 100 ol tahuu ibsame

Muummichi Ministeeraa Abiy Ahmad Guyyaa har'aa marii haala yeroo irratti qondaaltota mootummaa waliin kan taasise…

1 day ago
  • Odeeyfannoo
  • Odeeyfannoo Biyyaa

Mootummaan “Jawaar Muhammad fi warri isa waliin ture hoggantoota mootummaa ajjeesuuf yaada qaban” jechuun yakke

Poolisiin Federaalaa ibsa galgala har’aa baaseen, Awwaalcha Artist Haacaaluu Hundeessaan wal qabatee yaalii ajjeechaa hoggantoota…

3 days ago
  • Odeeyfannoo
  • Odeeyfannoo Biyyaa

Mormii Godinaalee Oromiyaa keessatti geggeeffamaa jiruun walqabatee namoonni 50 ol ajjeefamuu gabaafame

Ajjeechaa Artist Haacaaluu Hundeessaa irratti raawwatame hordofuun magaalota Oromiyaa heddu keessatti mormiin ka’e har’as kan…

3 days ago
  • Breaking
  • Odeeyfannoo
  • Odeeyfannoo Biyyaa

Mootummaan Itoophiyaa Obbo Jawaar Muhammad dabalatee namoonni 35 to’atamuu ibse

Komishiniin poolisii Federaalaa fi Naannoo Oromiyaa ibsa waloon miidiyaa biyya keessaatiifi kennaniin, Obbo Jawaar Muhammad…

4 days ago