Categories: Odeeyfannoo USA

Turkiyaa fi Qaxar dararaa Israa’el dachii Falasxiin keessatti raawwataa jirtu balaaleffatan

Hoggantoonni biyyoota lamaanii kora walii galaa Dhaabbata Mootummoota Gamtoomanii 74ffaa, Ameerikaa magaalaa New York keessatti geggeeffamaa jiru irratti haasaya wal duraa dubaan godhaniin, Israa’el dachii Falasxiinotaa humnaan qabatte keessatti dararaa raawwattuu hammeessitee itti fuftee jirti jechuun yakkan.

Prezdaantiin Turkiyaa Rajab Xayyib Erdogaan kora Kana irratti hoggantoota biyyoota addunyaatiif dhimoota heddu irratti kan dubbate yoo tahu, keessumattuu dhimma Falasxiin ilaalchisee “Israa’el dachii Falasxiinotaa humnaan qabatte keessatti hammeenyi  raawwataa jirtu, yeroo ammaa dararaa hamaa addunyaa keessatti  raawwatamaa jiran jiddu isa hamaadha; Suuraan dubartii Falasxiin dhiheenya kana haala sukkanneessaa taheen loltoota Israa’eliin daandii irratti ajjeefamte qofti , yoo miira hoggantoota kora kanaatti hin dhagayamne tahe, namoomni addunyaa kana irraa badee jira jechuun alatti hiikkaa biroo hin qabu” jedhe.

Prezdaant Erdogaan itti dabaluudhaanis, “Israa’el dachiin kanaan dura humnaan qabatte akka waan isii hanqatee,  ammas guutuu Falasxiin too’achuuf jecha karoora baastee Falasxiinota buqqisuu itti fuftee jirti” jechuun yakke.

Erdogaan haasaya isaa kanaan, hoggantoonni addunyaa jibbiinsa muslimoota irratti xiyyeeffate qolachuudhaaf tarkaanfii qabatamaa akka fudhatanis waamicha godhee jira.

Haaluma wal fakkaatuun Amiirri Qaxar Sheik Tamiim Bin Hammaad Al-Saanii haasaya kora kana irratti godheen, Israa’el uggura Gaazaa irra keettee akka hammeessitee fi iddoowwan seena qabeessa  tahan kanneen akka magaalaa Al-Qudsi keessa jiranii ammoo toftaan kan balleessaa jirtu tahuu ibse.

Sheik Tamiim itti dabaluudhaanis, “hawaasni addunyaa dararaa Falasxiinotaa kana haqaa fi seenaa dhugaa irratti hundaayee yoo furuu barbaade, daangaa bara 1967 ture keessatti biyya walabaa Falasxiinotaa magaalaan guddoo isii Al-Qudsi taateef beekkamtii kennuun, Israa’el dachii Arabootaa humnaan qubatte hunda keessaa bahuu qabdi” jedhe.

Leave a Comment

Recent Posts

  • Odeeyfannoo
  • Odeeyfannoo Biyyaa

Mootummaan “Jawaar Muhammad fi warri isa waliin ture hoggantoota mootummaa ajjeesuuf yaada qaban” jechuun yakke

Poolisiin Federaalaa ibsa galgala har’aa baaseen, Awwaalcha Artist Haacaaluu Hundeessaan wal qabatee yaalii ajjeechaa hoggantoota…

2 days ago
  • Odeeyfannoo
  • Odeeyfannoo Biyyaa

Mormii Godinaalee Oromiyaa keessatti geggeeffamaa jiruun walqabatee namoonni 50 ol ajjeefamuu gabaafame

Ajjeechaa Artist Haacaaluu Hundeessaa irratti raawwatame hordofuun magaalota Oromiyaa heddu keessatti mormiin ka’e har’as kan…

2 days ago
  • Breaking
  • Odeeyfannoo
  • Odeeyfannoo Biyyaa

Mootummaan Itoophiyaa Obbo Jawaar Muhammad dabalatee namoonni 35 to’atamuu ibse

Komishiniin poolisii Federaalaa fi Naannoo Oromiyaa ibsa waloon miidiyaa biyya keessaatiifi kennaniin, Obbo Jawaar Muhammad…

3 days ago
  • Odeeyfannoo
  • Odeeyfannoo Biyyaa

Magaalaa Adaamaatti  Namoonni 5 ajjeefamuu gabaafame

Ajjeefamuu artist Haacaaluu Hundeessaa hordofuun godinaalee Oromiyaa hedduu keessatti mormiin hammatee jira, haaluma kanaan mormii…

3 days ago
  • Odeeyfannoo
  • Odeeyfannoo Biyyaa

Obbo Jawar Muhammad fi Obbo Baqqalaa Garbaa hidhamuu gabaafame

Miidiyaan OMN Waajjira Ameerikaa irraa akka gabaasetti, Obbo Jawaar Muhammad fi Obbo Baqalaa Garbaa dabalatee…

3 days ago
  • Odeeyfannoo
  • Odeeyfannoo Biyyaa

Artist Haacaaluu Hundeessaa Ajjeefame

Artist Haacaaluu Hundeessaa galgala harraa magaalaa Finfinnee naannoo Galaaniitti rasaasaan dhahame kan ajjeefame tahuu gabaafame.…

4 days ago