Ministeerri Fayyaa Sa’aa 24 dabre keessa qoronnoo geggeefameen namoota 142 irratti vaayirasiin koroonaa argamuu beeksise
Ministeerri Fayyaa ibsa Aba’aa har’aa baaseen, qorannoo laabiraatoorii sa’aatii 24 darban keessatti namoota 4,120 irratti geggeeffameen, namoota 142 irratti vaayirasiin Koroonaa argamuu beeksise.
Namoonni vaayirasichi irratti argame dhiira 84 fi dubartii 57 yoo ta’an, namoonni 140 lammiilee Ityoophiyaa, tokko lammii Porchugaal tokko ammoo lammii Jibuutii tahuu ibsame.

Namoota kanneen jidduu 126 jiraattota magaalaa Finfinnee, 1 naannoo Somaalee, 2 naannoo Affaar, 7 naannoo Oromiya irraa yoo tahan, 6 ammoo jiraattota naannoo Amaaraa tahuu ibsi ministeerichaa ni addeessa.

Haaluma kanaan Ityoophiyaa keessatti baay’inni namoota Vaayirasii Koronaatiin qabamanii 1,486 kan gahe yoo ta’u, namoonni 246 ammoo dhibee kanarraa fayyuu ibsame.
Dabalataanis ministeerri Fayyaa ibsa har’a baase kanaan, namni sadi du’uu beeksise. Haaluma kanaan biyyattii keessatti lakkoofsi namoota sababa vaayirasichaatiin du’anii 17 gahee jira.