Manni marii bakka bu’oota ummataa wal gahii idilee 16ffaa Khamiisa har’aa galma Waajjira Muummicha ministeeraatti geggeesseen, Wixinee Seeraa Manni Marii Dhimmoota Islaamaa Ityoophiyaa labsiin akka dhaabbatu dhihaateef sagalee caalmaan raggaasise.

Gaaffilee Hawaasni Muslimaa yeroo dheeraaf gaaffataa ture jidduu tokko Manni Marichaa labsiin beekamtii seeraa akka argatu kan jedhu yoo tahu, Koreen ogeeyyota seeraa hawaasa Muslimaa waggaa tokko dura dhimmicha gadi fageenyaan qoratuun, sanadii seeraa qopheessee Paarlaamaaf kan galche tahuun ni beekama.