Godina Baalee aanaa Sawweenaa Ganda Burqaa Dhaareetti jimaata March 16/2018, waraanni liyyuu poolisii naannoo Somaalee daangaa Oromiyaa cehuun, ummata nagayaa irratti haleellaa kan raawwate tahuu odeeyfannoon argame ni mul’isa.

Haleellaa waraanni Liyyuu Poolisii naannoo Soomalee ummata irratti raawwate kananiis namoonni 5 ajjeefamuu fi namoonni lama madaayuun beekameera. Namoota ajjeefaman jidduu sadi ijoollee umrii 10 gadii kan haadha takkaa yoo tahan, isaan lama immoo manguddoo umrii 80 oli akka tahan maddeen gabaasaniiru.